अनिरुद्ध तिवारी ‘संयोग’ की भोजपुरी रचना किरिनियाँ कहाँ चलि जाले?

0
5
kiriniya-kahan-chali-jaale-a-bhojuri-poem-by-anirudhh-tivari-sanyog

 

किरिनियाँ कहाँ चलि जाले?

सारी सोनहुली सबेर झमका के,
सँवकेरे रूप के अँजोर छिटिका के,
जाये का बेर ढेर का अगुताले-
किरिनियाँ कले-कले कहाँ चलि जाले?
चलत-चलत बीच रहिया में हारल,
दुपहरिया तेज तिजहरिया के मारल,
धनि बँसवरिया का पाछे लुकाले!

किरिनियाँ कले-कले कहाँ चलि जाले?
दिनभर का जिनगी के कहते कहनियाँ,
जात कहीं फुनुगी पर छोड़त निशनियाँ,
काहे दो सकुचाले काहे लजाले!
किरिनियाँ कले-कले कहाँ चलि जाले?
चिरई-चुरुंगवा जे लेला बसेरा,
डाले चराऊर खोंता में डेरा,
सँझलवके नदिया किनारे नहाले!
किरिनियाँ कले-कले कहाँ चलि जाले?

Facebook Comments

LEAVE A REPLY

Please enter your comment!
Please enter your name here